हे असंच चालायचं?

माझ्याकडून सगळं काढून घ्यायचं
स्वतः मात्र गप्प बसायचं.
   हे असंच चालायचं?

तू अगदी निवांत झोपायचं,
मी मात्र रात्रभर जागायचं.
  हे असंच चालायचं?

बघितलं मी की पाठ फिरवायची.
मी  फिरवली की रुसायचं.
  हे असंच चालायचं?

तिरपा  कटाक्ष टाकून, गालातल्या गालात हसायचं.
पण काहीच झालं नाही, असं दाखवायचं.
  हे असंच चालायचं?

मी  बोलण्याचे, भेटण्याचे मार्ग शोधायचे.
तू मात्र मला 'वेडा' ठरवून मोकळं व्हायचं.
  हे असंच चालायचं?
     अजून किती टाळायचं?
      सांग ना!