डाव!

बऱ्याचदा बरेच त्यांनी, डाव शिजवले होते.
सूर्याला का कधी,कोणी विझवले होते?

आत्ता मला कळाले, का जळाली त्यांची.
आगीत मी शब्दांना, थोडे भिजवले होते.

जेव्हा कधी त्यांनी, मला दाबले जरासे,
मी ताठ राहून उभा, त्यांना खिजवले होते.

सोडून चाललो होतो, ही दुनिया मतलबी मी.
गझलांनी माझ्या मला, तेव्हा रिझवले होते.

शब्दांची माझ्या, कोणी काय लावणार बोली?
माझ्या गझलांनी भल्या-भल्यांना...खाली निजवले होते!