शोध!

शोधतो  मी तुला, की तू शोधतेस स्वतःला?
हरवलीस, की जाणून लपलीस तू?

 खरंच तुला माझ्या, बोलण्याचा राग आला?
 पुन्हा एक बहाणा, की खरंच रुसलीस तू?

 तू म्हणालीस, "प्रेम नसतं रे."
ते  होतं मत तुझं, की मला विचारलीस तू?

तुझे  डोळेही हल्ली, काहीच बोलत नाहीत
खरंच ते गप्प, की त्यांना शिकवलीस तू?

नकार  देऊन मला, काय मिळालं तुला?
फसवलीस मला, की स्वतः फसलीस तू?

का ढाळतेस माझ्या आता, चितेवरी आसवे तुझी?
रडलो मी जेव्हा, उगाच हसलीस तू!