स्पर्श!

केलास जो स्पर्श तू, तो थंड-गार होता.
घेऊन आग प्रेमाची, काळ पसार होता.

वाटले तुला मी द्यावे, श्वासांसकट देह माझे
लावाया बोली माझी, भरला बाजार होता.

वाटले मी हाथ धरावा, अन् उचलूनी न्यावे तुला.
हाय माझी मजबुरी! तो नुसताच विचार होता!

तू न कधी माझी, अन् मी न कधी तुझा.
आपल्या कहाणीचा, एवढाच सार होता.

वाट तुझ्या होकाराची, चितेवरही पाहिली मी.
नकार द्यायचा तुला हा, कसला आजार होता?

आसवांनी भिजली जेव्हा, लाकडे माझ्या चितेची,
ठिणगी प्रेमाची पेटली तुझ्या, देवही हुशार होता!