तू असणार नाहीस!

पुन्हा बोलणार नाहीस, 
पुन्हा दिसणार नाहीस.
असतील आठवणी तुझ्या,
तू असणार नाहीस!

लिहिणार ना कधी मी,
कागदांवर नाव तुझे.
खोट्याच रागाने पुन्हा,
तू ते पुसणार नाहीस.
असतील आठवणी तुझ्या, तू असणार नाहीस!

घेऊन येणार ना कधी,
मी माझ्या कविता.
तू त्या कवितांवर,
पुन्हा हसणार नाहीस.
असतील आठवणी तुझ्या, तू असणार नाहीस!

वेडच प्रेम माझं,
मी आजही तुझाच वेडा.
पण ह्या वेड्या प्रेमावर माझ्या,
तू पुन्हा रुसणार नाहीस!
असतील आठवणी तुझ्या, तू असणार नाहीस!